ឯកឧត្តមអនុរដ្ឋលេខាធិការ ឃី កុសល បានដឹកនាំកិច្ចប្រជុំពិនិត្យ និងរៀបចំផែនការ សកម្មភាព សម្រាប់ការអនុវត្តគម្រោង និងប្រកាសសេចក្តីសម្រេចថ្មី នៅមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ ខេត្តកំពត និងខេត្តកែប

ចេញផ្សាយ 15 May 2026

ថ្ងៃទី១១ ដល់ថ្ងៃទី១៥ ខែឧសភា ឆ្នាំ២០២៦ ឯកឧត្ដម ឃី កុសល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងនាយកផ្នែកកសិកម្មនៃគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ចដំណាក់កាលទី៣ (LASED III) និងសហការី បានចុះបំពេញបេសកកម្ម ទៅមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ ខេត្តកំពត និងខេត្តកែប ដេីម្បីប្រជុំពិនិត្យ និងរៀបចំផែនការ សម្រាប់ការអនុវត្តគម្រោង ក្នុងឆ្នាំ ២០២៦ និងប្រកាសសេចក្តីសម្រេចថ្មី ទទួលស្គាល់សមាសភាព មន្ត្រីក្នុងខេត្តនិមួយៗ ។

កិច្ចប្រជុំបានពិនិត្យ និង ពិភាក្សាលើចំណុចសំខាន់ៗដូចជា៖

១. តាមដានវឌ្ឍនភាព និងវាយតម្លៃលទ្ធផលការងារតាមគោលដៅនីមួយៗរបស់គម្រោងដែលសម្រេចបាននាពេលកន្លងមក

២. ដាក់ចេញនូវទិសដៅសកម្មភាពការងារអាទិភាពដើម្បីសម្រេចអោយបានតាមសូចនាករដែលបានកំណត់

៣. ពិនិត្យលទ្ធភាពដោះស្រាយបញ្ហាទីផ្សារ ជូនអ្នកទទួលផលពីគម្រោង។

ជាមួយគ្នានេះ ឯកឧត្តម ក៏បានផ្តាំផ្ញេី និងលេីកទឹកចិត្តអោយក្រុមការងារគម្រោង តាមខេត្តនិមួយៗខាងលេី សហការចូលរួមអនុវត្តអោយបានសកម្ម ដេីម្បីសម្រេចបានលទ្ធផលតាមផែនការដែលបានគ្រោងទុក។

#LASEDIII #ក្រសួងរៀបចំដែនដីនគរូបនីយកម្មនិងសំណង់ #ក្រសួងកសិកម្មរុក្ខាប្រមាញ់និងនេសាទ #ធនាគារពិភពលោក

ព័ត៌មានដែលមានអ្នកមើលច្រើន