សកម្មភាពចុះប្រជុំផ្សព្វផ្សាយអំពីគោលគំនិតរបស់ក្រុមផលិត​ និងការបោះឆ្នោតជ្រេីសរេីសភ្នាក់ងារផ្សព្វផ្សាយកសិកម្មភូមិ​ និងភ្នាក់ងារពេទ្យសត្វភូមិ

សកម្មភាពចុះប្រជុំផ្សព្វផ្សាយអំពីគោលគំនិតរបស់ក្រុមផលិត និងការបោះឆ្នោតជ្រេីសរេីសភ្នាក់ងារផ្សព្វផ្សាយកសិកម្មភូមិ និងភ្នាក់ងារពេទ្យសត្វភូមិ

ចេញផ្សាយ 15 Aug 2023

6289

ថ្ងៃអង្គារ ៧រោច ខែទុតិយាសាឍ ឆ្នាំថោះ បញ្ចស័ក ព.ស ២៥៦៧ ត្រូវនិងថ្ងៃទី ៨ ខែសីហា ឆ្នាំ ២០២៣ ក្រុមការងារនៃគម្រោងបែងចែកដីដេីម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣ បានចុះទៅភូមិតាង៉ាច ឃុំប៉ូយ ស្រុកអូរជុំ ខេត្តរតនគិរី ដោយមានសហការសម្របសម្រួលដោយក្រុមការងារអនុវត្តគម្រោងនៃមន្ទីរកសិកម្ម រុក្ខាប្រមាញ់ និងនេសាទ ខេត្តរតនគិរី ភ្នាក់ងារ ADF ប្រធានភូមិ ក្នុងគោលបំណងចុះរៀបចំកិច្ចប្រជុំផ្សព្វផ្សាយអំពីគោលគំនិត អត្ថប្រយោជន៍របស់ក្រុមផលិត មានដូចជា៖

១/ អ្វីទៅជាក្រុមផលិត

-មានគំនិត និងចំណាប់អារម្មណ៍ដូចគ្នា ឫប្រហាក់ប្រហែលគ្នា

-គោលបំណងរួម និងតាំងចិត្តការផលិតនូវផលិតផលដូចគ្នា

-ប្រើប្រាស់បច្ចេកទេសកសិកម្ម និងធាតុចូលកសិកម្មដូចគ្នា

-ភាពស្មោះត្រង់ តស៊ូ និងទទួលខុសត្រូវរួមជាមួយគ្នា

-ឆ្លើយតបទៅនឹងទីផ្សារនៃផលិតផលរបស់គេ

២/គោលបំណងនៃការបង្កើតក្រុម

-ពង្រឹងគុណភាពផលិតផល

-ធានាបរិមាណផលិតផលផ្គត់ផ្គង់ទីផ្សារ

-ឆ្លើយតបតម្រូវការទីផ្សារ

-រក្សាស្ថិរភាពប្រាក់ចំណូលរបស់កសិករ

-បង្កើតនូវទំនាក់ទំនង និងសាមគ្គីភាពបានល្អ

-មានគោលបណង និងដោះស្រាយបញ្ហាប្រហាក់ប្រហែលគ្នា

-ប្រមូលផ្តុំកម្លាំងផលិតសម្រាប់ចរចារលើទីផ្សារ

៣/អត្ថប្រយោជ៍នៃការបង្កើតក្រុមផលិត

-បានផលចំណេញច្រើនជាងមុនតាមរយៈការធ្វើការងារជាក្រុម

-ទទួលបាន និងចែករំលែកគ្នាទៅវិញទៅមក នូវព័ត៌មានទីផ្សារ បទពិសោធន៍ ចំណេះដឹង

-ជួយគ្នាទៅវិញទៅមក (ការប្រវាស់ដៃគ្នា)

-អាចបង្កើនបច្ចេកទេសដាំដុះ

-តម្លៃថេរ ឫមានការកើនឡើង

-កសិករអាចមានឥទ្ធិពលខ្លាំងក្នុងការចរចារទីផ្សារជាមួយឈ្មួញ

-ផ្តល់ទំនុកចិត្តដល់អតិថិជនក្នុងការទិញកសិផលរបស់កសិករ

-ទទួលផលប្រយោជន៍ និងលើកកម្ពស់តម្លៃកសិផល

-លើកស្ទួយជីវភាពកសិករ និងសង្គមជាតិ

និងធ្វេីការបោះឆ្នោតជ្រើសរើសភ្នាក់ងារផ្សព្វផ្សាយកសិកម្មភូមិ និងភ្នាក់ងារពេទ្យសត្វភូមិ នៅសហគមន៍ជនជាតិដើមភាគតិចគ្រីង ដោយមានប្រជាកសិករចូលរួមចំនួន ៧៥នាក់ ស្រី ៤៥នាក់។

ជាលទ្ធផល ប្រជាកសិករ ពួកគាត់មានភាពរីករាយ និងយល់ស្របលើគោលគំនិតនៃការចងក្រងជាក្រុមនេះឡើង។

ក្រុមការងារនៃគម្រោងបែងចែកដីដេីម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣ បានសម្រេចលទ្ធផលក្រោយពីការបោះឆ្នោតជ្រើសរើសភ្នាក់ងារផ្សព្វផ្សាយកសិកម្មភូមិចំនួន ២នាក់ ៖

-ឈ្មោះ ចាអាយ ត្រហែន

-ឈ្មោះ រ៉យ តាតែម

និងភ្នាក់ងារពេទ្យសត្វភូមិចំនួន ២នាក់ ៖

-ឈ្មោះ កាយើវ កាញ៉ាន

-ឈ្មោះ រ៉ាន់ចែន ដូង។

ព័ត៌មានដែលមានអ្នកមើលច្រើន