ថ្ងៃ អង្គារ ១៣ រោច ខែអស្សុជ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី ១៨ ខែវិច្ឆិកា ឆ្នាំ២០២៥ ក្រុមការងារគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ចដំណាក់កាលទី៣ (LASED III) ថ្នាក់ខេត្ត នៃមន្ទីរកសិកម្ម រុក្ខាប្រមាញ់ និងនេសាទខេត្តស្ទឹងត្រែង និងអ្នកសម្របសម្រួលអភិវឌ្ឍន៍កសិកម្ម បានសហការជាមួយក្រុមការងារនៃគម្រោងថ្នាក់ជាតិ រៀបចំពិធីចែកសម្ភារៈកសិកម្មគាំទ្រ ដល់សហគមន៍ជនជាតិដើមភាគតិចចំនួន ២ សហគមន៍ រួមមាន៖

• សហគមន៍ជនជាតិដើមភាគតិចព្រៅ ភូមិកាតូត ឃុំកំភុន ស្រុកសេសាន ខេត្តស្ទឹងត្រែង

• សហគមន៍ជនជាតិដើមភាគតិចគ្រឹង ភូមិរំពាត់ ឃុំតាឡាត ស្រុកសេសាន ខេត្តស្ទឹងត្រែង

សរុបអ្នកទទួលបានជំនួយចំនួន ២២៨ គ្រួសារ។

សម្ភារៈដែលបានចែកជូន

ក្នុងមួយគ្រួសារទទួលបាន៖

• ទុយោ ១ ដុំ

• ធុងស្រោចទឹកជ័រ ១០ លីត្រ ១ គូរ

• គ្រាប់ពូជបន្លែ

  • សណ្តែកគួរ ៥០០ក្រាម

  • ត្រប់ស្រួយ ៥០ក្រាម

  • ត្រសក់ទ្រើង ១០០ក្រាម

  • ត្រកួន ៥គីឡូក្រាម

  • ស្ពៃក្រញ៉ាញ់ ៥០០ក្រាម

  • សាលាដ ២៥០ក្រាម

  • ប៉េងប៉ោះ ៥០ក្រាម

• កូនឈើហូបផ្លែ រួមមាន៖

  • ក្រូចឆ្មា ៥ ដើម

  • មៀន ៥ ដើម

  • ខ្នុរ ៥ ដើម

  • ស្វាយ ៥ ដើម

  • កូនក្រូច ៥ ដើម។