ខេត្តរតនគិរី​ ៖​ថ្ងៃ​ទី២៤ ខែកុម្ភៈ ដល់ថ្ងៃទី១ ខែមីនា​ ឆ្នាំ២០២៥​ ក្រុមការងារផ្នែកប្រព័ន្ធព័ត៍មាន​ និងផ្សព្វផ្សាយកសិកម្ម​ និងផ្នែកគាំពារ​ បរិស្ថាន​ និងសង្គម​ សហការជាមួយក្រុមការងារអនុវត្តគម្រោងថ្នាក់ក្រោមជាតិ​ នៃមន្ទីរកសិកម្ម​ រុក្ខាប្រមាញ់​ និងនេសាទខេត្ត​ រតនគិរី​ បានចុះទៅភូមិចំនួន០៤​ ដើម្បីកំណត់ទីតាំង​ និងវាយតម្លៃផលប៉ះពាល់បរិស្ថាន​ និងសង្គម​ ក្នុងការយកមកអនុវត្តបច្ចេកទេសសាលារៀនស្រែកសិករ​ ស្របទៅតាមក្រុមផលិតដែលមាននៅក្នុងភូមិនីមួយៗ ដូចខាងក្រោម៖

១. ភូមិឡែ ឃុំលំជ័រ ស្រុកអូរយ៉ាដាវ ៖ មានអ្នកចូលរួម៣០នាក់ ស្រី ៤នាក់ មានក្រុមផលិតចំនួន២គឺ ក្រុមផលិតចន្ទី និងក្រុមផលិតដំឡូងមី

២. ភូមិសាលា ឃុំកក់ ស្រុកបរកែវ ៖ មានអ្នកចូលរួម ៣១នាក់ ស្រី ១០នាក់ មានក្រុមផលិតចំនួន២គឺ ក្រុមផលិតចន្ទី និងក្រុមផលិតដំឡូងមី

៣. ភូមិរ៉ក ឃុំកុកឡាក់ ស្រុកវើនសៃ ៖ មានអ្នកចូលរួម ២៨នាក់ ស្រី ៨នាក់ មានក្រុមផលិតចំនួន២គឺ ក្រុមផលិតចិញ្ចឹមជ្រូក និងក្រុមផលិតចន្ទី

៤. ភូមិឡាឡៃ ឃុំកុកឡាក់ ស្រុកវើនសៃ ៖ មានអ្នកចូលរួម ៣០នាក់ ស្រី ១២នាក់ មានក្រុមផលិតចំនួន២គឺ ក្រុមផលិតចិញ្ចឹមជ្រូក និងក្រុមផលិតចន្ទី។