ខេត្តស្ទឹងត្រែង៖ នាព្រឹកថ្ងៃទី០៧ ខែឧសភា ឆ្នាំ២០២៤ ឯកឧត្តម ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ
និងជាសមាជិកគណៈកម្មការដឹកនាំគម្រោង LASED III និង ឯកឧត្ដម ឃី កុសល អនុរដ្ឋលេខាធិការ និងនាយកផ្នែកកសិកម្មគម្រោង LASED III  តំណាងក្រសួងកសិកម្ម រុក្ខាប្រមាញ់ និងនេសាទ បានចូលរួមជាគណៈអធិបតី ក្នុងពិធីចាប់ឆ្នោតជ្រើសរើសយកដីទ្បូត៍លំនៅឋាន និងដីទ្បត៍កសិកម្មនៃកម្មវិធីសម្បទានដីសង្គមកិច្ច គម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣ (LASED III) ស្ថិតនៅឃុំសាមឃួយ ឃុំភ្លុក និងឃុំស្រែគរ ស្រុកសេសាន ខេត្តស្ទឹងត្រែង រៀបចំដោយក្រសួងរៀបចំដែនដី នគរូបនីយកម្ម និងសំណង់ ក្រោមអធិបតីភាពឯកឧត្ដម សូខន ឬទ្ធីគុណ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់  តំណាងដ៏ខ្ពង់ខ្ពស់ឯកឧត្ដម សាយ សំអាល់ ឧបនាយករដ្ឋមន្រ្ដី រដ្ឋមន្រ្ដីក្រសួងរៀបចំដែនដី នគរូបនីយកម្ម និងសំណង់ និងជាប្រធានគណ:កម្មការដឹកនាំគម្រោង LASED III។
កម្មវិធីនេះ មានការអញ្ជើញចូលរួមជាគណៈអធិបតីពី ឯកឧត្ដមអភិបាល នៃគណៈអភិបាលខេត្ដស្ទឹងត្រែង តំណាង និងក្រុមការងារធនាគារពិភពលោក លោកប្រធានមន្ទីរ ដនសស ខេត្តស្ទឹងត្រែង លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តស្ទឹងត្រែង មន្រ្ដីពាក់ព័ន្ធ និងមានការចូលរួមពីប្រជាពលរដ្ឋយ៉ាងច្រើនកោះករ។