បេសកកម្មរបស់តំណាងធនាគារពិភពលោកចុះត្រួតពិនិត្យវឌ្ឍនភាពគម្រោង LASED III

ចេញផ្សាយ 04 Apr 2024

107

ខេត្តមណ្ឌលគិរី៖ នៅថ្ងៃទី៣ ខែមេសា ឆ្នាំ២០២៤ ឯកឧត្តម ឃី កុសល អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ និងជានាយផ្នែកកសិកម្មនៃគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣ បានដឹកនាំក្រុមការងារគម្រោង ចូលរួមបេសកកម្មជាមួយតំណាងធនាគារពិភពលោក និងនាយកគម្រោងនៃក្រសួងរៀបចំដែនដី នគរូបនីយកម្ម និងសំណង់ ដើម្បីចុះត្រួតពិនិត្យវឌ្ឍនភាពនៃការអនុវត្តគម្រោង នៅសហគមន៍ជនជាតិដើមភាគតិច ភូមិអណ្តូងក្រឡឹង ឃុំសែនមនោរម្យ ស្រុកអូរាំង ខេត្តមណ្ឌលគិរី។

នាក្នុងឱកាសនេះ ក្រុមការងារបេសកកម្ម បានជួបសំណេះសំណាល ជាមួយក្រុមផលិតស្វាយចន្ទី ដំឡូងមី ភ្នាក់ងារសុខភាពសត្វភូមិ និងភ្នាក់ងារផ្សព្វផ្សាយកសិកម្មភូមិដែលបានបង្កើត និងចងក្រងដោយក្រុមការងារបច្ចេកទេសគម្រោងរបស់ក្រសួងកសិកម្ម រុក្ខាប្រមាញ់ និងនេសាទ។

ក្នុងនោះដែលក្រុមការងារបេសកកម្មក៏បានចុះពិនិត្យដំណើរការសាងសង់ផ្លូវ សាលារៀន សម្រាប់សហគមន៍ និងការដាំបន្លែរបស់បងប្អូនជនជាតិដើមភាគតិចភ្នងផងដែរ៕

បេសកកម្មរបស់តំណាងធនាគារពិភពលោកចុះត្រួតពិនិត្យវឌ្ឍនភាពគម្រោង LASED III

ព័ត៌មានដែលមានអ្នកមើលច្រើន