សិក្ខាសាលាឆ្លុះបញ្ជាំងប្រចាំឆ្នាំស្តីពីការអនុវត្តគម្រោងបែងចែកដីដេីម្បីសង្គមកិច្ច​ និងការអភិវឌ្ឍសេដ្ឋកិច្ច​ ដំណាក់កាលទី៣​ (LASED III)

សិក្ខាសាលាឆ្លុះបញ្ជាំងប្រចាំឆ្នាំស្តីពីការអនុវត្តគម្រោងបែងចែកដីដេីម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣ (LASED III)

ចេញផ្សាយ 02 Jan 2024

5741

សិក្ខាសាលាឆ្លុះបញ្ជាំងប្រចាំឆ្នាំស្តីពីការអនុវត្តគម្រោងបែងចែកដីដេីម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣ (LASED III)

-----------------

ខេត្តសៀមរាប៖ ថ្ងៃទី២៧ ខែធ្នូ ឆ្នាំ២០២៣ គម្រោងបែងចែកដីដេីម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣(LASED III) បានរៀបចំសិក្ខាសាលាឆ្លុះបញ្ជាំងប្រចាំឆ្នាំស្តីពី ការអនុវត្តគម្រោង LASED III ក្រោមអធិបតីភាពឯកឧត្តម សូ ខនឫទ្ធីគុណ រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់(ដនស) តំណាងដ៏ខ្ពង់ខ្ពស់ ឯកឧត្តម សាយ សំអាល់ ឧបនាយករដ្ឋមន្ត្រីក្រសួង ដនស និងមានការចូលរួមពី ឯ.ឧ ហ៊ាន វណ្ណហន រដ្ឋលេខាធិការក្រសួង កសក ឯ.ឧ ឃី កុសល អនុរដ្ឋលេខាធិការក្រសួង កសក ឯ.ឧ អនុរដ្ឋលេខាធិការក្រសួង ដនស លោកបណ្ឌិត ថុល ឌីណា នាយកគម្រោង លោក ឫទ្ធី រតនៈជ័យសិទ្ធិ នាយកផ្នែកប្រតិបត្តិ លោកស្រី ងួន សុជាតិ តំណាងក្រសួងសេដ្ឋកិច្ច និងហិរញ្ញវត្ថុ ក្រុមការងារថ្នាក់ក្រោមជាតិខេត្តគោលដៅទាំង ១៣ ក្រុមការងារធនាគារពិភពលោក និងក្រុមការងារ ADIC និងAFD សរុបអ្នកចូលរួម ១៣៤នាក់។

កម្មវិធីឆ្លុះបញ្ចាំងប្រចាំឆ្នាំនេះ ត្រូវបានធ្វើឡើងក្នុងគោលបំណងសំខាន់ គឺដើម្បីឆ្លុះបញ្ចាំងពីលទ្ធផលនៃការអនុវត្ត គម្រោងរហូតមកដល់ពេលនេះ ក៍ដូចជាពិភាក្សា និងចែករំលែកបទពិសោធន៍រវាងក្រុមការងារ រៀបចំផែនការ និងស្វែងរក មធ្យោបាយ និងវិធីសាស្ត្រជំនួស ដើម្បីពន្លឿន និងកែលម្អការអនុវត្តបន្ថែមទៀត ជាមួយនឹងគោលបំណងជាក់លាក់

ដូចខាងក្រោម៖

១.ក្រឡេកមើលពីការអនុវត្តកន្លងមក និងកំណត់នូវសមិទ្ធិផលសំខាន់ៗ និងផ្នែកចាំបាច់ត្រូវកែលម្អ

២. បង្កើតរូបផ្តុំ អំពីរបៀបធ្វើការរួមគ្នាក្នុងចំណោមក្រុមការងារគម្រោង

៣. រៀបចំផែនការសកម្មភាព និងផែនការប្ដេជ្ញាចិត្តក្នុងការអនុវត្តបន្តបន្ទាប់

៤. លើកកម្ពស់ការងារជាក្រុម។

សិក្ខាសាលានឹងប្រព្រឹត្តទៅរយៈពេល ០២ថ្ងៃ គឺនៅថ្ងៃពុធ-ព្រហស្បតិ៍ ទី២៧-២៨ ខែធ្នូ ឆ្នាំ២០២៣ នៅសណ្ឋាគារសុខាសៀមរាបរីសត ខេត្តសៀមរាប។

ព័ត៌មានដែលមានអ្នកមើលច្រើន