កាលពីថ្ងៃទី១០ ខែតុលា ឆ្នាំ២០២៣ ឯកឧត្តម ឃី កុសល អនុរដ្ឋលេខាធិការ នៃក្រសូងកសិកម្ម រុក្ខាប្រមាញ់ និងនេសាទ និងជានាយកផ្នែកកសិកម្ម នៃគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី ៣ (ឡាសិត ៣ - LASED III) បានចូលរួមចំកិច្ចប្រជុំបូកសរុបលទ្ធផលនៃបេសកកម្មគាំទ្រការអនុវត្តគម្រោងលើកទី៤ របស់ធនាគារពិភពលោក ក្រោមអធិបតីភាព ឯកឧត្តម សូ ខនឫទ្ធីគុណ រដ្ឋលេខាធិការ និងជាតំណាងដ៏ខ្ពង់ខ្ពស់ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួង ដ.ន.ស។ កិច្ចប្រជុំនេះ បានរៀបចំធ្វើឡើងនៅទីស្តីការក្រសួង ដ.ន.ស. ដោយមានការអញ្ជើញចូលរួមពី ឯកឧត្តម ហ៊ាន វណ្ណហន រដ្ឋលេខាធិការ និងជាសមាជិកគណៈកម្មការដឹកនាំគម្រោងនៃក្រសួង ក.ស.ក ឯកឧត្តម ខៀវ បូរិន អនុរដ្ឋលេខាធិការនៃក្រសួង ដ.ន.ស លោកបណ្ឌិត ថុល ឌីណា នាយកគម្រោងឡាសិត ៣ និងលោកស្រី ចំរើន មុទិតា ប្រធានក្រុមការងារគម្រោងឡាសិត៣ និងជាតំណាងធនាគារពិភពលោកប្រចាំកម្ពុជា ព្រមទាំងមានការអញ្ជើញចូលរួមពីក្រុមការងារគម្រោងថ្នាក់ជាតិ និងថ្នាក់ខេត្ត នៃក្រសួង ដ.ន.ស និង ក្រសួង ក.ស.ក និងស្ថាប័នពាក់ព័ន្ធផ្សេងទៀត សរុប ១៣០នាក់៕