ថ្ងៃព្រហស្បតិ៍ ១៣កើត ខែជេស្ឋ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី០១ ខែមិថុនា ឆ្នាំ២០២៣ លោក ឆែ ពេជ្រ អនុប្រធានមន្ទីរ និងជាប្រធានជនបង្គោល ដឹកនាំមន្ដ្រីគម្រោង LASED III ចំនួន ០៣នាក់ សហការជាមួយក្រុមការងារគម្រោង LASED III ថ្នាក់ជាតិចំនួន ៤នាក់ រួមជាមួយលោកមេភូមិ ប្រធានប្លុក និងអ្នកពាក់ព័ន្ធ សរុបទាំងអស់ចំនួន ១៣នាក់ ស្រី ០១នាក់ ចូលរួមប្រជុំពិភាក្សាផ្ដល់ទិន្នន័យប្រើប្រាស់ដី ប្រភេទដំណាំ  ដើម្បីវាយតម្លៃលើប្រព័ន្ធស្រោចស្រព ក្នុងគម្រោង LASED II។ បន្ទាប់មកក្រុមការងារបានចុះពិនិត្យជាក់ស្ដែងពីការប្រើប្រាស់ដីតាមប្រភេទដំណាំនីមួយៗ ហើយពិនិត្យឃើញថាប្រភេទដំណាំដែលដាំដុះនៅលើដីសម្បទានសង្គមកិច្ចភូមិព្រៃធំនេះមាន៖ ដំណាំដំឡូងមី ស្វាយកែវរម្មៀត ពោតផ្អែម ស្វាយចន្ទី ឳឡឹក ស្រូវកណ្ដាល និងដំណាំរួមផ្សំ បន្ទាប់មកក្រុមការងារក៏បានចុះពិនិត្យទំនប់ស្ទាក់ទឹក ដើម្បីសិក្សាពីស្ថានភាពទឹកក្នុងការរៀបចំទិន្នន័យស្រោចស្រព និងប្រើប្រាស់លើការងារកសិកម្ម នៅភូមិព្រៃធំ ឃុំរស្មីសាមគ្គី ស្រុកឱរ៉ាល់។